Ellorukkum Vallamai Kodu

ஆம் நானும் இந்த

உலகின் ஜீவ ராசிகளில்

ஒருவன்தான்

உறங்கி கிடந்தேன் பத்து

மாதங்களாக தாயின் கருவறையில்

பசியறியாது

இன்று உறங்கி கிடக்கிறேன்

பசி அறிந்து பத்து

மாதங்களாய்

ஒவ்வோர் அரிசியிலும் உண்பவன்

பெயர் எழுதபட்டிருக்குமாம் என்

பெயரெங்கே

தேடி அலைந்தேன் குப்பைகளில்

வீசப்பட்ட உணவு பொட்டலங்களின்

உள்ளே

வானமெனும் கூரையின் கீழே

வாழ்க்கை பள்ளியில் வருமைபாடம்

கற்றுகொண்டிருக்கிறேன்

செவிள்கள் இல்லை ஆனாலும்

மீன்வகையை சார்தவன்தான் நீருண்டு

வாழ்கிறேன்

மனித இனத்தின் பரிணாம

வளர்ச்சி நான் காற்றிலும்

மிதக்கிறேன்

பேய் மழை சுட்டெரிக்கும்

வெய்யில் கடும் பனி

இவைஅனைத்தும்

எதிர்கொள்ள இறைவன் போர்த்திய

கருப்பு கம்பலம்தான் இக்கருநிற

தோல்

இன்று வரை அழுததில்லை

கண்ணீருக்கும் கூட கண்களில்

தண்ணீரில்லை

வயிற்றின் வார்த்தைகளும் இதயத்துடிப்பும்

கூட கேட்குமளவு செவிகள்

கூருற்றது

கதவின் இடுக்குகளிலும் இன்று

என்னால் புதுந்து செல்ல

முடியும்

என்னை படம் பிடிக்க

தினமும் வருகின்றனர் ஆயிரம்

புகைப்படக்காரர்கள்

பிதற்றுகிறார்கள் பசியின் வலி

கொடியதென்று வறுமையின் வலிமை

அறியாதவர்கள்

இன்றென்னுள்ளும் இத்தனை சக்திகள்

இவையெல்லாம் படைத்த நானுமொரு

விசித்திரநாயகன்

இறைவா எல்லோருக்கும் என்னைபோல்

வல்லமை தாராயோஎன்று இன்றும்

இறைவனை வேண்டுகிறேன் ..

இன்பம் விழையான் 'இடும்பை இயல்பு' என்பான்

துன்பம் உறுதல் இலன்.